Golovkın «Kanelomen» ashyq jattyǵý qaı kúni ótetinin aıtty

ASTANA. QazAqparat - Orta salmaqtaǵy álem chempıony, qazaqstandyq Gennadıı Golovkın meksıkalyq Saýl Alvareske qarsy jekpe-jek aldynan ótkizetin ashyq jattyǵýynyń vıdeoanonsyn jarııalady, dep habarlaıdy Sports.kz.

«Qosylyńyzdar! Ashyq jattyǵý 26 tamyzda bolady. Kirý tegin!», - dep jazdy Golovkın Týıtterdegi paraqshasynda.

Ashyq jattyǵýdy jýrnalıster men jankúıerler Los-Andjelestegi Banc of California stadıonynan tamashalaı alady.

Gennadıı Golovkın (38-0-1, 34 KO) men Saýl Alvarestiń (49-1-2, 34 KO) promoýterleri - Tom Leffler men Oskar de la Hoııa da boksshylardyń 26 tamyzda ashyq jattyǵý ótkizetinin málimdegen.

Jattyǵý jergilikti ýaqytpen 14:00-de (Astana ýaqytymen 27 tamyz kúni 01:00-de) bastalady.

«Kanelo» - GGG ekinshi jekpe-jegi 15 qyrkúıekte Las-Vegasta ótedi.