Golovkın «Kanelodan» keıin kimmen aıqasqysy keletinin aıtty
ASTANA. QazAqparat - Qazaqstandyq boksshy Gennadıı Golovkın meksıkalyq Saýl Alvarespen ekinshi aıqastan keıin rıngte kimmen kezdeskisi keletinin, sondaı-aq kásibı mansabyndaǵy basty maqsatyn aıtty, dep habarlaıdy Sports.kz.
«Men kimmen aıqasqym keledi? Bul meniń promoýterim Tom Lefflerge baǵyttalatyn suraq dep oılaımyn. Kóptegen tańdaýlar bar. WBC - Charlony, WBA - Muratty usynyp otyr, biraq dál qazirgi sátte kelesi qarsylasym Sonders bolýy múmkin... Nege aıqaspasqa? Men barlyq belbeýlerdi alǵym keledi. Meniń maqsatym - barlyq tıtýldardy jınaý», - dep keltiredi Golovkınniń sózin Boxingscene.com.
Eske salaıyq, GGG 15 qyrkúıekte Las-Vegastaǵy T-Mobele Arena-da «Kanelomen» ekinshi ret aıqasady.
