Golovkın-«Kanelo» jekpe-jekteri úzdik aıqastar reıtıngine endi

NUR-SULTAN. QazAqparat – Gambling.com saıty Gennadıı Golovkın men Saýl «Kanelo» Alvarestiń aıqastaryn sport tarıhyndaǵy 101 úzdik jekpe-jektiń qataryna qosty, dep habarlaıdy QazAqparat Sports.kz saıtyna silteme jasap.

Qazaqstan men Meksıka boksshylarynyń básekelestigi reıtıngtiń 91-shi ornyna ornalastyrylǵan.

«Orta salmaq úzdikteri Golovkın men Alvarestiń tartysy uzaq ýaqyt jarnamalanyp, 2017 jyldyń qyrkúıeginde bastaldy.

Sol kezde áli jeńilip kórmegen GGG-diń rekordy erek edi – 37-0-0, onyń 33-shi nokaýtpen aıaqtalǵan. Al «Kanelo» Floıd Meıvezerden jeńilgenine qaramastan, sol kezde sportta endi juldyzy jana bastaǵan edi.

Teketireske alǵashqy jekpe-jek sebep boldy. Golovkın meksıkalyq qarsylasynan 12 raýndtyń 10-ynda basym túskenimen, tóreshilerdiń sheshimimen aıqas teń aıaqtaldy.

Bir jyldan keıin match-revansh bolyp, Golovkın birinshi ret jeńildi. Al «Kanelo» myqtylyǵyn dáleldep keledi», - delingen aqparatta.