Golovkın - «Kanelo» jekpe-jegine sońǵy ólshený rásimi qaıda jáne qashan ótedi

ASTANA. QazAqparat - Gennadıı Golovkın men Saýl Alvarestiń qarymta jekpe-jek aldyndaǵy tarazyǵa sońǵy ólshený rásiminiń ótetin jeri men ýaqyty belgili boldy, dep habarlaıdy Sports.kz

Golovkınniń promoýteri Tom Lefflerdiń aıtýynsha, tarazyǵa ólshený rásimi aıqas qarsańynda boks keshi bolatyn Las-Vegastegi T-Mobile arenasynda ótedi.

«Ólshený rásimi juma, 14 qyrkúıekte T-Mobile arenasynda bolady. Jaqyn arada jekpe-jek aptalyǵynda bolatyn oqıǵalar kestesi ázirlenedi», - dep jazdy T. Leffler óziniń tvıtterdegi paraqshasynda.

Eske salaıyq, Golovkın-Alvares II aıqasy 15 qyrkúıekte AQSh-taǵy HBO PPV júıesi arqyly taratylatyn bolady. Qazaqstandyq kórermender úshin jekpe-jek 16 qyrkúıek kúni tańǵy ýaqytta kórsetiledi.