Golovkın - «Kanelo» jekpe-jegi onjyldyqtaǵy eń úzdik aıqastar tiziminde ekinshi orynǵa ıe boldy

NUR-SULTAN. QazAqparat - Mymmanews.com saıty onjyldyqtyń eń úzdik boks jekpe-jekteriniń tizimin jasady. Oǵan Gennadıı Golovkın men Saýl «Kanelo» Alvarespen ótkizgen ekinshi aıqasy engizildi, dep habarlaıdy Sports.kz.

«2018 jyly «Kanelo» jáne Golovkın jekpe-jegi «Ring» jýrnalynda «Jyl aıqasy» dep atalǵan. Bul olardyń qarymta jekpe-jegi bolatyn. Kezdesý Las-Vegastaǵy T-Mobile Arena stadıonynda ótken. Eki boksshy da sońǵy raýndqa deıin bir-birine aýyr soqqy berýmen boldy. Alvares tóreshilerdiń biraýyz daýysymen Golovkınnen basym tústi», delingen BAQ-ta.

Jýrnaldyń nusqasy boıynsha onjyldyqtyń eń úzdik 7 aıqasy:

1. Floıd Meıvezer — Mennı Pakıao (2015)
2. Saýl Alvares — Gennadıı Golovkın (2018)
3. Devıd Heı — Derek Chısora (2012)
4. Tımotı Bredlı — Rýslan Provodnıkov (2013)
5. Mıkkel Kessler — Karl Froch (2010)
6. Fransısko Vargas — Orlando Salıdo (2016)
7. Terens Kroýford — ıÝrıorkıs Gamboa (2014)