Golovkın - «Kanelo» jekpe-jegi 2020 jylǵy jurt kútken aıqastar bestigine kirmeı qaldy

NUR-SULTAN. QazAqparat – Boxingscene.com saıtynyń avtory Stıven Edvards bıylǵy jylǵy jurt yntyǵa kútken jekpe-jekter jaıly óziniń tizimin jarııalady, dep habarlaıdy Sports.kz.

Sarapshynyń pikirinshe, TOP-5-tikke: Deonteı Ýaılder — Taıson Fıýrı (2), Vasılıı Lomachenko — Teofımo Lopes, Djýlıan Ýılıams — Djermell Charlo, Djermall Charlo — Demetrıýs Andrade jáne Djosh Teılor — Hose Ramıres aıqastary kirgen.

Bir qyzyǵy, bul tizimde aldaǵy qyrkúıekte bolýy tıis Gennadıı Golovkın men Saýl Alvarestiń úshinshi jekpe-jegine oryn da bolmaǵan.

Eske sala ketsek, Golovkın men «Kanelo» alǵash ret 2017 jyly qyrkúıekte kezdesken bolatyn. Talas-tartysqa arqaý bolǵan aıqas teń aıaqtalǵan edi. Biraq bir jyl ótken soń tóreshilerdiń basym daýsymen jeńis meksıkalyqqa berildi.