Golovkın - «Kanelo» jekpe-jegi 2019 jyly bolýy eń yqtımal kezdesýlerdiń biri

ASTANA. QazAqparat - ESPN.com portaly qazaqstandyq Gennadıı Golovkın men Saýl «Kanelo» Alvarestiń úshinshi kezdesýin 2019 jyly bolýy eń yqtımal kezdesýlerdiń biri retinde atady, dep jazady Sports.kz.

«Iá, bálkim bul kezdesýden sharshaǵan da shyǵarmyz. Biraq ózderińiz oılap kórińizdershi, 2018 jyly osy ekeýiniń qyrkúıekte ótken rematchynan qyzyq kezdesý boldy ma ?. Al osy kúnge deıin nátıjesi talas-tartys týdyryp otyrǵan eki tanymal boksshynyń kezdesýinen artyq qoǵamnyń nazaryn aýdaratyn jekpe-jek bola ma ?»,-delingen ESPN materıalynda.

Eske sala keteıik, Saýl Alvares qazaqstandyq boksshy Gennadıı Golovkınniń eki márte qarsylasy boldy. Olardyń birinish kezdesýi teńdeı aıaqtaldy. Alaıda ol da daý týdyryp otyr. Ekinshi kezdesýde «Kanelo» tóreshilerdiń basym daýsymen jeńiske jetti.