Golovkın-Kanelo jekpe-jegi 2017 jyly ótedi
ASTANA. QazAqparat - Meksıkalyq boksshy Saýl Alvares Kanelonyń promoýteri Oskar de la Hoııa óz klıenti men Gennadıı Golovkın arasyndaǵy bolýy bek múmkin jekpe-jek jaıly óz pikirin bildirdi, dep jazdy Sports.kz Boxingnewsonline.net silteme jasap.
- Halyqtyń Golovkın - Kanelo aıqasyn ótkizýdi surap júrgenine bir jyldan asty. Olar Pakıao - Meıvezer jekpe-jegin segiz jyl kútken. Kanelo men Golovkınniń kezdesýi kelesi jylǵa josparlanǵan. Biz daıyn bolǵan kúni kezdesýdi ótkizý kúnin belgileımiz. Kanelo 154 fýntta judyryqtasyp júr, al Golovkın - 160. Kanelo 160 fýntta aıqasýǵa daıyn bolǵan kezde, biz kezdesýdi uıymdastyramyz, - dedi de la Hoııa.
Golovkın men Kanelo bıylǵy qyrkúıek aıynda rıngte kezdesedi dep kútilgen edi, alaıda mamyr aıynda meksıkandyq boksshy WBC belbeýinen bas tartty, sol sebepti olardyń jekpe-jegi 2017 jyldyń qyrkúıek aıyna qaldyryldy.
