Golovkın-«Kanelo» úshinshi jekpe-jeginiń jańa merzimi aıtyldy

ASTANA. QazAqparat - Boxingnews24.com jýrnalısi Shon Djons Saýl Alvarestiń (51-1-2, 34 KO) promoýteri Oskar de la Hoııanyń Gennadıı Golovkınmen (38-1-1, 34 KO) úshinshi jekpe-jek týraly sózderine qatysty túsiniktemesin berdi, dep habarlaıdy Sports.kz.

De la Hoııa Golovkın-«Kanelo» arasyndaǵy úshinshi jekpe-jektiń naqty bolatynyn málim etti. Alaıda, ol aıqastyń qashan bolatynyn ataǵan joq, dep bólisti Djons.

«Eger Golovkın zeınetke shyqpasa, ol «Kanelomen» jekpe-jekke shyǵý úshin 2020 jyldy kútýi ábden múmkin. Eger atalmysh trılogııa ótse, bul 38 jastaǵy Golovkınǵa qarsy jekpe-jek bolady», - dep jazdy avtor.

Eske sala keteıik, Golovkın men «Kanelo» arasyndaǵy birinshi jekpe-jek teń aıaqtalǵan, al ekinshisinde tóreshilerdiń basym bóliginiń sheshimimen jeńis meksıkalyq boksshyǵa berilgen.