11:46, 07 Shilde 2022 | GMT +6
Golovkın - Kanelo úshinshi jekpe-jeginiń bastalatyn ýaqyty belgili boldy
NUR-SULTAN. QazAqparat - Saýl Alvares pen Gennadıı Golovkın arasyndaǵy jekpe-jek 18 qyrkúıekte Nur-Sultan ýaqytymen tańǵy saǵat 9:00-de bastalady, dep habarlaıdy QazAqparat Sports.kz saıtyna silteme jasap.
WBA (Super), WBC, IBF jáne WBO sýper orta salmaqtaǵy belbeýleri báske tigiledi. Tikeleı translıatsııa DAZN aqyly strımıng servısi arqyly kórsetiledi.
Jekpe-jektiń Qazaqstan aýmaǵynda kórsetilýi týraly ázirge aqparat joq.
Golovkınniń barlyq sońǵy jekpe-jekteri Qazaqstan jáne Qazsport telearnalarynda kórsetildi.
Osy dástúr jalǵasyn tabýy ábden múmkin.
Bul - qazaqstandyq pen meksıkalyq arasyndaǵy úshinshi jekpe-jek bolmaq.
Birinshisinde teń aıaqtalsa, ekinshisinde tóreshiler jeńisti «Kaneloǵa» bergen bolatyn.
