Golovkın – «Kanelo» úshinshi aıqasy qashan uıymdastyrylýy múmkin

NUR-SULTAN. QazAqparat – Promoýter jáne burynǵy kásipqoı boksshy, AKboxing.ru saıtynyń ıesi Aleksandr Kolesnıkov Sports.kz saıtyna suhbat berip, «Chıkagoda kelesi jyldyń aqpanynda Gennadıı Golovkın Saýl Alvarespen aıqas ótkize me?» degen suraqqa jaýap berdi, dep habarlaıdy QazAqparat.

«Kanelo» men Golovkınniń aqpanda ótýi múmkin jekpe-jegine qatysty aıtaıyn. Ol kezde aıqas ótpeýi múmkin. Sebebi, Alvares Kovalevpen judyryqtasady, onyń salmaǵy, ol aıqasta jeńetini nemese jeńiletini, jaraqat alatyn-almaıtyny belgisiz... Aqpan – «Kanelonyń» kelesi aıqasy úshin tym jaqyn, sondyqtan Golovkın bul ýaqytta 200% Alvarespen rıngke shyqpaıdy. Eger olar bir salmaq dárejesinde qalatyn bolsa, bári de múmkin, óıtkeni ekeýiniń de DAZN-men kelisimge otyrýy beker emes qoı. Bul kelisim qos boksshynyń sheshýshi jekpe-jegin ótkizý úshin jasalǵan bolsa kerek», - dedi reseılik sarapshy.