Golovkın-«Kanelo»: Úshinshi aıqas boıynsha kelissózder bastaldy

ASTANA. QazAqparat - Golden Boy promoýterlik kompanııasynyń basshysy Oskar de la Hoııa Gennadıı Golovkın men Saýl «Kanelo» Alvarestiń úshinshi jekpe-jegi boıynsha kelissózder protsesiniń bastalǵanyn málimdedi, dep habarlaıdy Sports.kz.

Meksıkalyqtyń jaǵy aıqasty Las-Vegasta «Sınko de maıo» mekeresinde demalys kúni ótkizýdi josparlap otyr.

Budan buryn olar «Kanelonyń» rıngke 4 mamyrda oralatynyn málimdegen edi.

«Keshe Golovkınniń adamdarymen aldyn ala kelissózder ótkizdim. Biz «Sınko de maıo» merekesinde úshinshi jekpe-jek ótkizýdi usyndyq. Bul Las-Vegasta boks úshin mańyzdy data. Sondyqtan, biz kelissózderdi bastaımyz. «Kanelo» kez kelgen boksshymen aıqasýǵa daıyn. Olardyń úshinshi jekpe-jegi - jaqsy múmkindik. Kelissózder bastaldy, sońy ne bolatynyn kóremiz», - dedi De la Hoııa ESPN Houston radıosyna bergen suhbatynda.

Eske salaıyq, GGG men «Kanelonyń» alǵashqy eki jekpe-jegi Las-Vegasta ótken edi. Birinshi aıqas daýly teń nátıjemen aıaqtalsa, ekinshide tóreshiler jeńisti Alvareske berdi.