Golovkın-«Kanelo»: Tóreshilerdi tańdaýdyń egjeı-tegjeıi belgili boldy

ASTANA. QazAqparat - Badlefthook.com saıty Gennadıı Golovkın men Saýl Alvares rematchyna tóreshiler men referıdi tańdaýǵa qatysty qyzyqty derektermen bólisti, dep habarlaıdy Sports.kz.

Aldaǵy jekpe-jekte Glenn Feldman, Deıv Morettı jáne Stıv Vaısfeld syndy tóreshiler men referı retinde Bendjı Esteves jumys jasaıdy. Eń qyzyǵy, Referıge úmitkerlikke basqa adam qarastyrylǵan. Golovkınniń promoýteri Tom Leffler rıngte Robert Berdtiń jumys jasaǵanyn qalaǵan. Ol alǵashqy jekpe-jekte tóreshilik etip, «Kanelonyń» paıdasyna qaraı 118-110 etip, shý kótergen Adelaıda Berdtiń jubaıy. Alaıda komıssııa alda qaıtadan talas týyndamaýy úshin bul ıdeıadan bas tartýǵa sheshim qabyldap, Estaves referı bolyp taǵaıyndaldy.

Golovkın-«Kanelo» qarymta kezdesýi 15 qyrkúıek kúni Las-Vegaste ótetin bolady. Parı-Match býkmerelik kompanııasy aıqasqa qatysty mynadaı koeffıtsıentter shyǵaryp otyr: Golovkınniń jeńisi -1.53, Alvarestiń jeńisi - 2.53, teń tússe - 25.