Golovkın-Kanelo revanshynyń alǵashqy resmı promo-rolıgi shyqty

ASTANA. QazAqparat - Meksıkalyq boksshy Saýl «Kanelo» Alvarestiń múddesin qorǵaıtyn Golden Boy promoýterlik kompanııasy WBS, WBA (Super) jáne IBO tujyrymdary boıynsha orta samaqtaǵy álem chempıony, qazaqstandyq Gennadıı Golovkınmen revanshqa arnalǵan alǵashqy resmı rolıkti shyǵardy. Bul týraly VKontakte áleýmettik jelisinde «Qazaqstannyń kásibı boksy» paraqshasynda jazyldy, dep habarlaıdy QazAqparat.

Vıdeoda boksshylardyń birinshi jekpe-jegindegi sátter, sondaı-aq baspasóz máslıhatyndaǵy sóılegen sózderiniń úzindileri qamtylǵan.

«Biz, jasaýymyz tıis dúnıeni istedik», - dedi Alvares rolıkte.

Qazaqstan jáne Mesıka boksshylarynyń ekinshi jekpe-jegi 15 qyrkúıekte Las-Vegasta ótedi. Byltyr 16 qyrkúıekte T-Mobile arenasynda ótken birinshi aıqas teń nátıjemen aıaqtalǵan bolatyn. Eger Alvarespen jekpe-jek ótpegen jaǵdaıda, Golovkın WBO tujyrymy boıynsha álem chempıony brıtandyq Bıllı Djo Sonderspen rıngte kezdesýi múmkin edi.