Golovkın - «Kanelo» rematchyn brıtan televıdenıesi kórsetedi

ASTANA. QazAqparat - Belgili promoýter Frenk Ýorren qazaqstandyq bylǵary qolǵap sheberi Gennadıı Golovkın men meksıkalyq Saýl Alvarestiń arasyndaǵy ekinshi jekpe-jegi jańa jobanyń betashary bolatynyn aıtty. Bul týraly Sports.kz habarlaıdy.

Tanymal BT Sport telearnasy aqyly PPV-kórsetilimderge arnalǵan Box Office jobasyn iske qospaq. Brıtanııa televıdenıesiniń tarıhı jobasy Golovkın - Alvares rematchymen bastalady.

«Box Office jobasynyń betashary úshin netken úlken jekpe-jek!», -dep jazdy Ýorren Twitter paraqshasynda. Aıta keteıik, ol orta salmaqtaǵy WBO tıtýlynyń ıegeri Bıllı Djo Sonderstiń promoýteri.

GGG - «Kanelo» rematchy 15 qyrkúıek kúni Las-Vegastaǵy T-Mobile Arena-da ótedi.