Golovkın - «Kanelo» rematchy: Álem chempıony rıngke shyǵady
ASTANA. QazAqparat - Birinshi orta salmaqtaǵy WBO tujyrymy boıynsha álem chempıony meksıkalyq Haıme Mýngııa (30-0, 25 KO) 15 qyrkúıekte boksa Gennadıı Golovkın - Saýl «Kanelo» Alvares boks keshiniń anderkardynda rıngke shyǵady, dep habarlaıdy Sports.kz.
Boksshynyń esimi belgili BoxRec.com saıtynda keshtiń qatysýshylary tizimine engizildi. 21 jastaǵy boksshynyń kimmen aıqasatyny ázirge belgisiz. Mangýııadan basqa, kesh aıasynda Davıd Leme men Gerı O'Sallıvan, sondaı-aq burynǵy «P4P koroli» Roman Gonsales pen álemniń absolıýtti chempıony Sesılııa Brekhýs rıngke shyǵady. Golovkın men Alvarestiń jekpe-jegi Las-Vegasta T-Mobile Arena-da ótedi.
