Golovkın «Kanelo» men kishi Chavestiń jekpe-jegin zeriktiretin sparrıngke balady
ASTANA. QazAqparat - Gennadıı Golovkın eki meksıkalyq Saýl «Kanelo» Alvares pen Hýlıo Sezar Chavestiń jekpe-jegine óz pikirin bildirdi, dep habarlady Vesti.kz tilshisi.
«Senbilik aıqas sparrıng sııaqty, jalyqtyryp jiberdi. «Kanelo» aıqasty aıaqtaýǵa asyqpady. Mundaıdy kórermender qalamaıdy, kópshiligi PPV ǵoı. Ne úshin? Shoý úshin. Bárine meniń nokaýttarym sııaqty drama unaıdy. Eger qolymnan keletinin sezsem, solaı jasaımyn», - degen Golovkınniń sózin keltirdi LA qoǵTimes.
Eske salsaq, Alvares sýdıalardyń sheshimimen kishi Chavesti jeńdi. Ol 12 raýndqa sozyldy. Qorytyndysy boıynsha tóreshiler 120-108 esebimen jeńisti Alvareske berdi. Aıqastan keıin rıngke Golovkın shyǵyp, Alvarespen qyrkúıekte ótetin aıqasy jaıly resmı habarlady.
