Golovkın Kanelo - Chaves aıqasyna barmaıtyn boldy
ASTANA. QazAqparat - Qazaqstandyq boksshy Gennadıı Golovkın (36-0, 33 KO) UCNLive.com-ǵa bergen suhbatynda meksıkandyq Saýlıa Alvares «Kanelonyń» (48-1-1, 34 KO) ózimen emes, otandasy Hýlıo Sesar kishi Chavespen (50-2-1, 32 KO) jekpe-jekke shyǵýǵa sheshim qabyldaýyna baılanysty óz pikirin bildirdi, dep habarlaıdy Sports.kz.
Eske sala ketsek, Alvares buǵan deıin 160 fýntta aıqasýdan bas tartqan bolatyn, biraq ol Chavestiń ketchveıtte - 164,5-te kezdesýge shaqyrǵan usynysyna kelisken edi.
- Men bilmeımin, onyń nege bulaı etkenin. Bul jaıly ózinen surańyz. Men boksty bilemin. 154, 160, 168 - bul boks emes. Bul boks úshin, barlyq sport úshin óte jaman. Eger sen 160 fýntta chempıonsyń ba - 160-ta judyryqtas. Eger sen 168-desiń be - 168-de aıqas. 152-de nemese basqa sanatta emes,-dedi Golovkın.
Sondaı-aq UCNLive.com tilshisi Maıkl Bak Gennadııden, onyń yqtımal qarsylasynyń jekpe-jegine barar-barmasyn, eger Kanelo jeńgen jaǵdaıda ony rıngke shaqyrar-shaqyrmasyn surastyrdy.
-Joq. Ony qaıtem,- dep qysqa qaıyrdy ol.
Eske sala ketsek,Kanelo - Chaves aıqasy Las-Vegasta 6 mamyrda ótedi.
