Golovkın-«Kanelo» aıqasy jyldyń úzdik jekpe-jegi bolýy múmkin

ASTANA. QazAqparat - Boks týraly jazatyn Amerıka jýrnalıster qaýymdastyǵy (BWAA) 2018 jyldyń qorytyndysy boıynsha «Jyl boksshysy», «Jyl aıqasy», «Jyl bapkeri» jáne «Jyl menedjeri» qurmetti ataqtaryna úmitkerlerdiń tizimin jarııalady. Bul týraly Sports.kz habarlaıdy.

Jyl boksshysy ataǵyna birinshi aýyr salmaqtaǵy absolıýtti álem chempıony Aleksandr Ýsık, jeńil salmaqtaǵy WBA jáne WBO chempıony Vasılıı Lomachenko, jeńil salmaqtaǵy WBC chempıony Maıkı Garsııa,  jartylaı orta salmaqtaǵy WBO chempıony Terens Kroýford, sondaı-aq birinshi jartylaı orta salmaqtaǵy WBO chempıony Morıs Hýker úmitker bolýda.

Deonteı Ýaılder men Lýıs Ortıs,  Djarrett Herd pen Erıslandı Lara,  Vasılııa Lomachenko men Horhe Lınares, Aleks Sosedo men Lennı Zappavınıa, sondaı-aq  Saýl Alvares pen Gennadıı Golovkın arasyndaǵy jekpe-jekter jyldyń úzdik aıqasy bola alady.  

Jyl bapkeri ataǵyna Anatolıı Lomachenko, Djeı Dız, Robert Garsııa men Derrık Djeıms úmitkerlik etýde.

«Jyl menedjeri» ataǵyna úmitkerler ishinde osy ataqty 2016 jáne 2017 jyldary ıelengen Egıs Klımas, Kıt Konnollı, Chepo Reınoso men Sem Katkovskı bar.