Golovkın-«Kanelo» aıqasy jyldyń úzdik jekpe-jegi atandy

ASTANA. QazAqparat - Boks týraly jazatyn tanymal The Sweet Science basylymy Gennadıı Golovkın men Saýl «Kanelo» Alvarestiń ekinshi ret aıqasyn 2018 jyldyń úzdik jekpe-jegi dep atady, Bul týraly Sports.kz. habarlaıdy.

Eske sala keteıik, bul jekpe-jek 15 qyrkúıek kúni Las-Vegas qalasynyń T-Mobile Arena-synda ótip, tóreshilerdiń sheshimimen «Kanelonyń» jeńisimen aıaqtaldy.

«Golovkın men Alvares alǵash ret 2017 jyldyń qyrkúıegindegi aıqasy dramaǵa toly boldy. 12-raýndtyq jekpe-jek teń aıaqtaldy. Ekeýi de ózderin jeńimpaz sanaǵan, al Golovkınniń komandasy «Kanelony» naǵyz meksıkalyq sııaqty judyryqtaspaǵany úshin kinálady.

Bıylǵy jyldyń qyrkúıeginde qaıta kezdeskende, GGG men «Kanelo» bir-birinen birneshe dıýım qashyqtyqta turyp, sýperaýyr salmaqtaǵy boksshy  qulaıtyn soqqylarmen almasqan. Olardyń soqqylarynyń kúshi kórermenderdi erekshe áserde qaldyrǵan. Aıqasty kózben kórý teledıdardan qaraǵanǵa qaraǵanda múldem basqa áserge bóleıdi.

Mobile Arena-da Alvares Golovkınge asaý pildi qulata alatyn soqqylar jasaǵan. Óz kezeginde, Golovkın «Kanelonyń» basyna aýyr soqqylar tıgizdi. 12 raýndtan keıin ekeýi de qoldan kelgenniń bárin jasaǵanyn túsinip turdy. Bul joly tóreshiler jeńisti Alvareske berdi.

2018 jyly «Kanelo men GGG jekpe-jegindegideı áserli ári sonsha kóp soqqylar jasalǵan aıqas bolmaǵan», - dep jazady tss.ib.tv.