Golovkın: Qanat Islammen jekpe-jek ótkizedi degen qısynsyz áńgime
ASTANA. QazAqparat - Qazaqstandyq kásipqoı boksshy Gennadıı Golovkın salmaqtyń túrli deńgeıine baılanysty Qanat Islammen jekpe-jek ótkizý qısynsyz áńgime dep otyr. Bul týraly ol búgin Astanada otandyq jankúıerlermen jáne BAQ ókilderimen kezdesýi barysynda málim etti.
"Bul ázirge tek sóz júzinde ǵana. Biraq oryndalmaıtyn eshteńe joq. Biz qazir Qanatpen túrli salmaq deńgeıindemiz. Bul jekpe-jek qısynsyz qazir. Ol reıtıngtiń basqa deńgeıinde ornalasqan", - dep atap ótti boksshy.
Onyń oıynsha, Qanattyń tarapynan bolǵan shaqyrýdy boksshynyń ózi jasamaǵan bolýy yqtımal.
"Men Qanatty burynnan tanımyn. Menińshe ol jeke ózi meni jekpe-jekke shaqyrmaýy múmkin. Ony onyń bapkeri jasasa kerek", - deıdi Golovkın.
