Golovkın IBF tartý etken syılyǵyn kórsetti
ASTANA. QazAqparat - Orta salmaqta WBA (Super), WBC, IBF jáne IBO nusqalary boıynsha álem chempıony qazaqstandyq Gennadıı Golovkın (37-0, 33 KO) Halyqaralyq boks federatsııasynyń Sent-Pıtersbergte ótken (AQSh, Florıda shtaty) 34-shi jylsaıynǵy konventsııasyna qatysty, dep jazady Sport.kz.
Aıtýly sharada Golovkın 2016 jylǵy tamasha jetistigi úshin IBF-ten nagrada aldy. Boksshy óz syılyǵyn Tvıtterde jarııalady.
«Men úshin Halyqaralyq boks federatsııasynan (IBF) Djersı Djo Ýolkot atyndaǵy syılyqty alý úlken mártebe. Barlyqtaryńyzǵa qoldaýlaryńyz úshin rahmet!» - dep jazdy Golovkın áleýmettik jelide.
Aıta keteıik, 2016 jyly Gennadıı eki kezdesý ótkizip, amerıkalyq Domınık Ýeıdti (18-1, 12 KO) jáne brıtandyq Kell Brýkty (36-2, 25 KO) nokaýtqa jiberdi.
