Golovkın IBF reıtınginiń úzdik ondyǵyna kirmeı qaldy

ASTANA. QazAqparat - Halyqaralyq boks federatsııasy (IBF) boksshylardyń aı saıynǵy reıtınginiń jańa nusqasyn jarııalady, dep habarlaıdy QazAqparat Sports.kz-ke silteme jasap.

Orta salmaqta burynǵy álem chempıony Gennadıı Golovkın 11-orynda qaldy. Qazirgi chempıon amerıkalyq Denıel Djeıkobs bolǵanmen reıtıngtiń birinshi orny bos tur, keıingi oryndarda ekvador-nemis boksshysy Djek Kýlkaı men ýkraınalyq Sergeı Derevıanchenko tur.

Osy uıym aıasynda jartylaı orta salmaq sanatynda óner kórsetip júrgen Bahtııar Eıýbov bir saty joǵarylap, 13-orynǵa turaqtady.

Eske sala keteıik, 15 aqpan kúni Bahtııar Malveınde (Kanzas shtaty, AQSh) ótken jekpe-jeginde meksıkalyq Hose Lýıs Rodrıgespen teń túsken bolatyn.