Golovkın: «Gılmen bolatyn jekpe-jekte dramalyq shoý jasaımyn»
ASTANA. QazAqparat - Orta salmaqta WBA (Super) jáne IBO chempıony 32 jastaǵy qazaqstandyq boksshy Gennadıı Golovkın Denıel Gılmen bolatyn jekpe-jekte keremet shoý jasaǵysy keletindigin aıtýda, dep habarlaıdy Allboxing.ru.
"Men Denıel Gıl týraly kóp oılaımyn", - dep keltiredi Boxing Channel boksshynyń sózderin. - Ol - keremet boksshy. Abel Sanches bapker maǵan "tek óz jumysyma ǵana den qoıýymdy" suraıdy. Bul meniń jumysym, meniń aýmaǵym, meniń sharshy alańym, bul meniń shoýym. Menińshe ol tamasha shoý bolady. Maǵan ózimniń stılim unaıdy. Ol meksıkalyq stılge uqsaıdy. Men tóbeleske qumarmyn, judyryqtasýdy jaqsy kóremin. Men úlken dramalyq shoý jasaǵym keledi, sebebi ol meniń stılim. Men júz paıyzǵa daıynmyn jáne mende jospar bar". Gennadıı Golovkın men Denıel Gıl arasyndaǵy kezdesý 26 shildede Nıý-Iork qalasynyń Madison Square Garden arenasynda ótedi. Jekpe-jek Astana ýaqyty boıynsha 27 shildede 08:00-de bastalady jáne "Qazaqstan" men KazSport telearnalarynan kórsetiledi.
