Golovkın Frochtyń synyna óz soqqysyndaı jaýap berdi
ASTANA. QazAqparat - Birneshe nusqa boıynsha orta salmaqtaǵy álem chempıony Gennadıı Golovkın Karl Frochtiń GGG bedeline qatysty málimdemesine jaýap berdi, dep jazdy Sports.kz.
Jýyrda Froch Gennadıı Golovkınmen Bıllı Djo Sonderstiń bolýy múmkin jekpe-jegine qatysty málimdeme jasaǵanda Gennadııdi synady:
«Golovkındi barlyǵy kótergen shyńǵa men qoıa almaımyn, - dedi Froch. -Bıllı Djo jeńe almaıtyndaı ol kimdi sulatty? Onyń bedeli jaıly tym asyryp ta jiberdi. Ol myqty boksshy, qatty urady, alaıda joǵary dárejedegi bireýdi uryp kórsin. Sondaı myqtyny jerge jyqsań, sen týraly jańa Shýgar Reı Leonard dep aıtyp júremin. Golovkınge qaraǵanymda onyń soqqylardy jiberip alǵanyn baıqaımyn».
Bul jarııalanymǵa arnalǵan jaýabyn qazaqstandyq óz tvıtterinde «Muny anyqtaýdyń bir ǵana amaly bar» dep jazdy.
