Golovkın FOX telearnasynyń qateligine oraı túsinikteme berdi
ASTANA. QazAqparat - Kásipqoı boksshy Gennadıı Golovkın (36-0, 33 KO) amerıkalyq Denıel Djeıkobpen (32-1, 29 KO) aıqasynyń aldyndaǵy ashyq jattyǵýy kezinde tilshilerdiń suraqtaryna jaýap berdi, dep habarlaıdy Sports.kz .
UCNLive.com jýrnalısi Stıv Kım Golovkınnen FOX telearnasynda kórsetilgen kestede jiberilgen qatelik týraly surady.
Eske sala ketsek, efırde berilgen tıtrda Golovkınniń bapkeri Abel Sanches emes, Andre Ýordtyń jattyqtyrýshysy Vırdjıl Hanter dep berilgen. Ol qazir Djeıkobske aldaǵy jekpe jekke ázirlenýge kómektesýde.
Bireýler muny qatelik dep mán bermese, Kım Golovkın men Sanchestiń qarym-qatynasy shynymen de toqtaýy yqtımal dep sanaıdy.
«Qudaıym-aı, bul jaı ǵana esýastyq qoı! [kúlki]» - dep jaýap bergen Golovkın. Týıtterde Kım osylaı jazdy.
