Golovkın Forbstyń tabysty boksshylar tiziminde joǵarylady
ASTANA. QazAqparat -Forbes jýrnalynyń saıty óziniń salmaqtan tys kommertsııalyq tabysty boksshylar tizimin jańartty, dep jazady Sports.kz.
Úzdik ondyqtaǵy alǵashqy oryn Roman Gonsalesti jeńgen Saýl Alvareske tıesili. Úshinshi orynda turǵan Gennadıı Golovkın bir saty kóterilip, ekinshi orynǵa jaıǵasty. Taıson Fıýrı men Vladımır Klıchko úshinshi oryndy bólisti.
«Alvarespen kezdespese de, orta salmaqtaǵy Kell Brýkpen jekpe-jekke shyǵatyn Golovkın, sózsiz, ádettegideı jurtshylyqtyń nazaryn aýdaryp, mol paıdaǵa keneledi. Golovkın ómirindegi eń tabysty jekpe-jekti ótkize alady. Tek 34 jastaǵy boksshy ózin kári sezinbeı, múmkindikti kútýi kerek», - dep jazdy basylym.
Keıingi oryndar myna boksshylardyń esimimen tolyqty:
4. Andre Ýord
5. Sergeı Kovalev
6. Deonteı Ýaılder
7. Kıt Týrman
8. Terens Kroýford
9. Errol Spens
10. Floıd Meıvezer.
