Golovkın FIBA-nyń Bas hatshysymen kezdesý ótkizdi
ASTANA. KAZINFORM – Elordada Qazaqstan Ulttyq Olımpıadalyq komıtetiniń prezıdenti Gennadıı Golovkın men Halyqaralyq basketbol federatsııasynyń (FIBA) bas hatshysy Andreas Zagklıs arasynda kezdesý ótti. Bul týraly UOK habarlady.
Іs-sharaǵa Qazaqstan Respýblıkasynyń Basketbol ulttyq federatsııasynyń prezıdenti Abaı Alpamysov ta qatysty.
Kezdesý kezinde taraptar Qazaqstandaǵy basketboldyń qazirgi damý deńgeıin, ulttyq quramalardyń daıyndyq barysyn, sondaı-aq 3h3 dıstsıplınasynyń damý perspektıvasyn talqylady. Ásirese, 2028 jyly Los-Andjeleste ótetin Olımpıada oıyndaryna basa nazar aýdaryldy. Atalmysh jarysta 3h3 basketbolynan erler men áıelder quramalarynyń sany 8 komandadan 12-ge deıin ulǵaıatyny atap ótildi.
Basqosýda qazaqstandyq mamandar men tóreshilerdiń halyqaralyq týrnırlerge qatysý múmkindigi, sondaı-aq olımpıadalyq yntymaqtastyq aıasynda jattyqtyrýshylar men sport menedjerlerine arnalǵan bilim berý baǵdarlamalaryn damytý jeke másele retinde talqylandy.
Andreas Zagklıs Qazaqstannyń basketboldy aımaqtyq deńgeıde ilgeriletý áleýetin joǵary baǵalap, ınstıtýtsıonaldyq ósýdiń mańyzdylyǵyn atap ótti jáne FIBA tarapynan jergilikti sporttyq bastamalardy júzege asyrýda qoldaý kórsetýge daıyn ekenin rastady.
Sonymen qatar qatysýshylar Qazaqstannyń Los-Andjeles-2028 Olımpıada oıyndary qarsańynda ulttyq quramalardy qoldaýǵa baǵyttalǵan FIBA-nyń jańa baǵdarlamalaryna qatysý múmkindigin de talqylady.
Buǵan deıin Qazaqstan UOK prezıdentiniń Regbı federatsııasynyń basshysymen kezdeskenin jazǵan edik.