Golovkın fanattaryna aıqasqa VIP-bıletterin alýdy usyndy
ASTANA. QazAqparat - Qazaqstandyq boksshy Gennadıı Golovkın (37-0, 33 KO) 16 qyrkúıek kúni Las-Vegastaǵy T-Mobile Arena-da ótetin meksıkalyq Saýl Alvarespen aıqasqa kirý múmkindikteri jaıly aıtty.
«Golovkın komandasynan, meniń dostarym jáne Life in Motion Group-taǵy seriktesterimnen ózińniń VIP-bıletińdi al», - dep jazdy Gennadıı Tvıtterdegi paraqshasynda. Life in Motion Group kompanııasynyń Golovkın komandasymen jumys istep kele jatqanynan bes jyl boldy. Ol GGG aıqastaryna VIP-ruqsattama uıymdastyrýmen aınalysady. Bir adamǵa arnalǵan eń arzan VIP-bıletiniń (GGG Blue Package) baǵasy 1 250 dollar (416 260 teńge), al, eń qymbaty (GGG Platinum Package) - 7 490 dollar (2 494 170 teńge).Sońǵy bıletke eń jaqsy oryndar, GGG komandasy toqtaıtyn qonaqúıden oryn, áýejaıǵa jáne áýejaıdan transferler, GGG-den fırmalyq syılyq jıyntyǵy jáne qoltańba qoıylǵan eksklıýzıvti qolǵaptar kiredi.
Golovkın-Alvares jekpe-jegi 16 qyrkúıek kúni Las-Vegastaǵy T-Mobile Arena-da ótedi.
