Golovkın - Facebook-tegi eń tanymal qazaqstandyq
ASTANA. QazAqparat - Pandaland.kz saıty Facebook áleýmettik jelisindegi eń tanymal 30 qazaqstandyqtyń tizimin jasady.
Alǵashqy oryn 113 myń oqyrmany bar Gennadıı Golovkınniń enshisinde. «Ol eliniń maqtanyshy ǵana emes, kásibı boksshynyń ár jekpe-jegin asyǵa kútetin jandar álemniń túkpir-túkpirinde mıllıondap sanalady. Jankúıerler Facebook paraqshalarynda Gennadııdiń ár aıqasy jaıly vıdeolardy, fotosýretterdi jarııalap, ol týraly jazylǵan maqalalarǵa óz pikirlerin bildirip jatady. Biz eger orta salmaqtaǵy álemniń sýperchempıony qazaqstandyq sportshynyń Facebook-te óz paraqshasy bolsa, jazylýshylar birneshe ese kóp bolaryna senimdimiz»,-dep habarlaıdy saıt.
Sonymen qatar bul tizimge taǵy bir qazaqstandyq sporttyń ókili, «Astana» komandasynyń avtoshabandozy Aıdyn Rahymbaev ta enip otyr. 3132 oqyrmany bar Aıdyn 26-orynda. Aıta keteıik, bul tizimde ekinshi orynda prodıýser Baıan Esentaeva, úshinshi Arýjan Saın. Sondaı-aq alǵashqy ondyqqa Mıhaıl Klenchın, Álisher Elikbaev, Murat Ábenov, Nurtas Adambaı, Quralaı Nurqadilova, Aıdyn Káribjanov, Aleksandr Tsoı endi.
