Golovkın esimi ańyzǵa aınalǵan Muhammed Álıdi qurmetpen eske aldy
ASTANA. QazAqparat - Orta salmaqtaǵy álem chempıony Gennadıı Golovkın óziniń tvıtterinde AQSh-ta 75 jasyna qaraǵan shaǵynda qaıtys bolǵan esimi ańyzǵa aınalǵan boksshy Muhammed Álıdi qurmetpen eske aldy, dep habarlaıdy Sports.kz.
«Ol eń uly. Boksta da, ómirde de. Ol - adamzattyń shabyty», - dep jazdy GGG. 
Eske sala keteıik, AQSh-ta tynys alý problemalaryna baılanysty aýrýhanaǵa jatqyzylǵan esimi ańyzǵa aınalǵan boksshy Muhammed Álı juma kúni qaıtys boldy, dep habarlaıdy NBC News.
74 jastaǵy Álı sońǵy birneshe kún jatqan Fınıks aýrýhanalarynyń birinde kóz jumdy.
Muhammed Álı - 1960 jylǵy Olımpıada oıyndarynyń chempıony, aýyr salmaqta álemniń absolıýtti chempıony (1964-1966, 1974-1978), WBC (1974-1978), WBA (1967, 1974-1978, 1978) nusqalary boıynsha aýyr salmaqtaǵy álem chempıony. «Rıng» jýrnaly ony bes ret «Jyl boksshysy» dep tanyǵan (1963, 1972, 1974, 1975, 1978). Budan basqa, ol 70-shi jyldary «Onjyldyq boksshysy» ataǵyna ıe boldy. 1999 jyly Sports Illustrated pen BBC Álıdi «Ǵasyr sportshysy» dep ataǵan.
