Golovkın - Djeıkobs jekpe-jeginiń vıdeosy
ASTANA. QazAqparat - Búgin Nıý-Iork qalasynda orta salmaqta WBA (Super), IBO, IBF jáne WBC tujyrymdary boıynsha álem chempıony qazaqstandyq Gennadıı Golovkın men WBA regular chempıony Denıel Djeıkobstyń 12 raýndqa sozylǵan jekpe-jeginiń tolyq vıdeosy shyqty, dep habarlaıdy QazAqparat tilshisi.
Bul otandasymyzdyń kásipqoı boks karerasyndaǵy eń uzaqqa sozylǵan alǵashqy aıqasy boldy.
Golovkın qarsylasyn tórtinshi raýndta nokdaýnǵa túsirdi. Qazaqstandyq oń qolymen Djeıkobstyń búıirinen urdy, ol sátte tizerlep otyryp qaldy. Tóreshiler sheshimi: 114-113, 115-112, 115-112
Aıta keterligi, Denıel Djeıkobs orta salmaqtaǵy myqty boksshylardyń biri. Ol osy ýaqytqa deıin kásibı mansabynda bir ǵana res súringen. 34 kezdesý ótkizip, 32 ret jeńiske jetken. Onyń 29-ynda qarsylasyn nokaýtpen utqan.
Al Golovkın jalpy sany 37 jekpe-jekke shyǵyp, onyń barlyǵynda jeńiske jetse, 33 aıqasyn merziminen buryn aıaqtady.
