Golovkın-Djeıkobs kezdesýine bıletter qarqynmen satylýda
ASTANA. QazAqparat - Qazaqstandyq boksshy Gennadıı Golovkınniń (36-0, 33 KO) promoýteri Tom Leffler amerıkalyq Denıel Djeıkobspen (32-1, 29 KO) ótetin kezdesýge bıletterdiń satylý qarqynyna tańdanysyn bildirdi.
Bul týraly QazAqparat Sports.kz-qa silteme jasap habarlady.
Boxingscene.com saıtynyń jazýynsha,
«Golovkın-Djeıkobs kezdesýine bıletterdiń aldyn ala satylymynyń alǵashqy kúnderi rojdestvolyq demalystarǵa túskenine qaramastan olardyń qarqynyna kóńilimiz tolady. 2015 jyly Golovkın Madison Square Garden-de anshlag jasaǵan edi, bıylǵy kórsetkish odan da asyp túsetin sekildi. Munyń bári brýklındik Dennı Djeıkobsqa halyqtyń qyzyǵýshylyq tanytýynan dep oılaımyn. «Boks Mekkesinde» bolatyn eki úzdik orta salmaqtyń aıqasyn taǵatsyzdana kútýdemiz», - dedi Leffler.
Golovkın - Djeıkobs kezdesýi 18 naýryzda Nıý-Iorktegi Madison Square Garden arenasynda ótedi.
