Golovkın-Derevıanchenkoǵa qatysty kelissóz qaıda ótetini anyqtaldy

ASTANA. QazAqparat - Orta salmaqtaǵy boksshylar Gennadıı Golovkın men Sergeı Derevıanchenko ókilderi taıaý ýaqytta IBF-pen kezdesip, boksshylardyń mindetti jekpe-jegi týraly talqylaıdy, dep habarlaıdy Sports.kz.

Budan buryn IBF Golovkınge qysqa ýaqyt berip, ony álem chempıony tıtýlyn qorǵaý úshin 3 tamyzda Derevıanchenkomen aıqasýǵa mindettegen edi. Olaı bolmaǵan jaǵdaıda, qazaqstandyq tıtýlynan aıyrylady. Alaıda, GGG promoýteri Tom Leffler uıymnan bul jekpe-jekti keıinge qaldyrýyna surady. Sebebi, Gennadıı WBC jelisi boıynsha meksıkalyq Saýl Alvarespen rematch ótkizýdi josparlap otyr.

Tyńdalym jergilikti ýaqytpen seısenbi kúni Nıýark (Nıý-Djersı shtaty) qalasyndaǵy qonaqúıde ótedi. Oǵan Derevıanchenkonyń promoýteri Lý DıBella, menedjer Kıt Konnollı, sondaı-aq boksshynyń ózi jáne advokaty qatysady. Ekinshi taraptan Golovkın advokatymen jáne promoýter Tom Leffler bolady.