Golovkın-Derevıanchenko boks keshiniń anderkardynda judyryqtasatyn ekinshi jup belgili boldy
NUR-SULTAN. QazAqparat – Belarýs boksshysy Ivan Baranchıktiń (19-1, 12 KO) kelesi jekpe-jegi 5 qazanda Nıý-Iorktegi «Medıson Skver Garden» arenasynda ótedi. Bul jolǵy qarsylasy – pýertorıkalyq Gabrıel Brasero (25-3-1, 6 KO), dep habarlaıdy «QazAqparat» Sports.kz-ke silteme jasap.
Jartylaı ortasha salmaqtaǵy jekpe-jek Gennadıı Golovkın men Sergeı Derevıanchenkonyń tıtýldyq aıqasynyń anderkardynda ótetin bolady. Boksshylar IBF nusqasy boıynsha ortasha salmaqtaǵy álem chempıony beldigine talasady.
Buǵan deıin aldaǵy shoýdyń anderkardynyń alǵashqy juby anyqtalǵanyn atap ótý kerek. Rıngke amerıkalyq Charlz Konýell (10-0, 7 KO) men Patrık Deı (17-3-1, 6 KO) shyǵatyn bolady.
Sondaı-aq, atalmysh keshte rıngke jeńilip kórmegen qazaqstandyq Álı Ahmedov (15-0, 11 KO), amerıkalyq Braıan Sebalo (10-0, 5 KO), ózbekstandyq boksshy Israıl Madrımov (3-0, 3 KO), sondaı-aq, kásibı rıngtiń debıýtanty Djozef Ýord shyǵady. Olardyń qarsylastary keıin belgili bolady.
