Golovkın Dakarda qazaqstandyq jas olımpıadashylarǵa jiger berdi
ASTANA. KAZINFORM — Qazaqstan Ulttyq Olımpıadalyq komıtetiniń prezıdenti Gennadıı Golovkın Dakarda (Senegal) IV jazǵy jasóspirimder Olımpıadasyna qatysyp jatqan qazaqstandyq sportshylarmen júzdesti.
UOK basshysy jas sportshylarmen jáne bapkerler quramymen áńgimelesip, olarǵa qoldaý kórsetti. Sondaı-aq maýsymnyń basty dodasynda sátti óner kórsetýlerine tilektestik bildirdi.
Kezdesý barysynda Gennadıı Golovkın mundaı deńgeıdegi jarystarǵa qatysýdyń mańyzyna toqtaldy. Onyń aıtýynsha, jasóspirimder Olımpıadasy jas sportshylarǵa halyqaralyq tájirıbe jınaqtap, óz múmkindikterin kórsetýge jol ashady.
Aıta keteıik, buǵan deıin Gennadıı Golovkın Dakarda Halyqaralyq Olımpıadalyq komıtetiniń prezıdenti Kırstı Koventrımen de kezdesken bolatyn.
Eske salaıyq, Dakardaǵy Olımpıada oıyndarynda Qazaqstan atynan 18 sportshy óner kórsetip jatyr. Qazirgi tańda qorjynymyzda eki medal bar. Dzıýdoshy Fatıma Supyǵalıeva altyn júlde ıelense, trıatlonshy Ramazan Áınegov qola medal jeńip alǵan edi.
