Golovkın: Bul men úshin de Djeıkobs úshin de óte qyzyqty kezdesý bolmaq

ASTANA. QazAqparat - Orta salmaqtaǵy álem chempıony Gennadıı Golovkın 18 naýryzǵa belgilengen amerıkalyq Denıel Djeıkobspen bolatyn kezdesý týraly jýrnalısterge suhbat berdi, dep habarlaıdy Sports.kz.

«Bárinen buryn, bul men úshin úlken jańalyq jáne asqan qyzyǵýshylyq tanytyp otyrmyn. Qatty tolqyp ta júrmin, sebebi men taǵy da rıngke shyǵamyn. Óte jaqsy aıqas bolady dep úmittenemin. Meniń oıymsha, bul ekeýmiz úshin de tamasha kezdesý bolmaq. Denıel - ázirge meniń úzdik qarsylasym. Ol tamasha boksshy», - dep jazdy GGG sózderin Boxingscene.com.

Gennadııdiń úshinshi kezdesýi bıylǵy jeltoqsan aıynda ótýi tıis edi, biraq ol merzim 2017 jyldyń 18 naýryzyna aýystyryldy. «Men 2016 jyly úsh kezdesý ótkizgim keldi, biraq kelesi aıqas naýryz aıynda bolady. Maǵan demalýǵa ýaqyt kerek. Meniń oıymsha, bul ýaqytta kezdesýdiń jarnamasyn kóbirek jasaýǵa, úzdik kelisim-shart bekitýge bolady. Ázirge Dennımen kezdesý mendegi mańyzdy aıqas bolyp tur», - dedi boksshy.