Golovkın Búkilálemdik boks sýperserııasynda óner kórsetýge shaqyrtý aldy
NUR-SULTAN. QazAqparat – Gennadıı Golovkın Búkilálemdik boks sýperserııasynda óner kórsetýge resmı shaqyrtý aldy. Búkilálemdik boks sýperserııasyn (WBSS) uıymdastyrýshylar – aǵaıyndy Kalle men Nısse Zaýerlandtar týrnırdiń úshinshi maýsymyna qatysty josparlaryn jarııalady, dep habarlaıdy QazAqparat Sports.kz-ke silteme jasap.
Promoýterler birden birneshe salmaq dárejesindegi jarystardy uıymdastyrýdy qarastyrady: aýyr, birinshi aýyr, orta, jeńil/ekinshi jeńil jáne ekinshi jartylaı jeńil salmaqtaǵy áıelder arasynda. Orta salmaqqa keletin bolsaq, Zaýerlandtar orta salmaqtaǵy qatysýshy retinde IBF/IBO álem chempıony Gennadıı Golovkındi atady.
«Orta salmaqtaǵy boksshylaryńyzdy atańyzdar: Gennadıı Golovkın, Krıs ıÝbenk, Rıota Mýrata jáne...», – dep jazdy Sauerland Bros Twitter-degi paraqshasynda.
Aıta keteıik, WBSS úshinshi maýsymyna qatysýshylardyń salmaq sanaty men quramyn jankúıerlerge Twitter jáne elektrondyq poshta arqyly anyqtaýdy usyndy. Olar qalaǵan salmaq dıvızıonyn jáne boksshylardyń attaryn jaza otyryp, uıymdastyrýshylarǵa habarlasa alady.
