Golovkın: Brýkpen jekpe-jek men úshin úlken syn (VIDEO)

ASTANA. QazAqparat - WBA/WBC/IBF nusqasy boıynsha orta salmaqtaǵy álem chempıony Gennadıı Golovkın (35-0, 32 KO) jartylaı orta salmaqtaǵy IBF nusqasy boıynsha álem chempıony Kell Brýkpen kezdesý (36-0, 25 KO) ol úshin jaqsy syn bolatynyn aıtty.

«Ol myqty boksshy, óz dıvızıonynyń úzdigi - men úshin bul úlken jáne aty shýly jekpe-jek.  Sondyqtan teledıdardan kórińizder», - degen Golovkınniń sózderin keltirdi Boxing Scene.

Gennadıı Golovkınniń promoýteri Tom Leffler baspasóz máslıhatynda aldaǵy Kell Brýkpen kezdesý týraly pikirin aıtty, dep jazdy sports.kz.

«Brýkpen jekpe-jekti baıypty qarastyrmadyq.  Brýk óz salmaq dárejesindegi dańqty boksshylarmen kezdese almaǵandyqtan, bizdiń usynysymyz jaıly oılaǵan bolar. Golovkın de osy máselege tap boldy. Osylaısha, eki sportshy úshin de bul másele sheshildi.  Bul aýqymdy qubylys bolmaq. Gennadıı árdaıym júz paıyz daıyn. Osylaı jaqsy daıyndalatyn sportshyny buryn kórmeppin, onyń búgingi jetistikteriniń sebebi de sol.  Ol ár jekpe-jekke jaqsy daıyndalyp, qarsylasynyń  laıyqty baǵa beredi», - dedi Leffler.