Golovkın Brýkqa eki-úsh raýnd ǵana múmkindik berip, odan soń sulatyp salady - eks-chempıon Brendon Rıos
ASTANA. QazAqparat - Jeńil salmaqtan eks-chempıon Brendon Rıos IBF nusqasy boıynsha jartylaı orta salmaqtaǵy chempıon brıtanııalyq Kell Brýktiń (36-0, 25 KO) orta salmaqtaǵy IBF/IBO/WBA/WBC nusqalary boıynsha álem chempıony qazaqstandyq Gennadıı Golovkındi (35-0, 32 KO) jeńetin esh múmkindigi joq dep sanaıdy.
Olardyń jekpe-jegi 10 qyrkúıekte Londonda O2 arenasynda ótedi. Rıostyń pikirinshe, salmaqtaǵy aıyrmashylyq aıtarlyqtaı áser etedi.
"Brýk 147 fýnttan orta salmaqqa kóterilip otyr. Bul úlken aıyrmashylyq. 147 jáne 160 fýnt. GGG ony sulatyp salady".
GGG Brýktiń eki-úsh raýndta ǵana judyryqtasýyna múmkindik berip, keıin tórtinshi nemese besinshi raýndta nokaýtqa túsiredi", - dedi Rıos esnewsreporting saıtyna bergen suhbatynda.
