Golovkın-Brýk aıqasynyń naqty ýaqyty belgili boldy
ASTANA. QazAqparat - Gennadıı Golovkın men Kell Brýk arasyndaǵy jekpe-jektiń naqty bastalý ýaqyty belgili boldy. Bul týraly Vesti.kz jazdy.
Qyrkúıektiń 10-ynan 11-ine qaraǵan túni Londondaǵy O2 arenasynda ótetin keshtiń basty jekpe-jegi Astana ýaqytymen saǵat 03:30-ǵa josparlanyp otyr. Bul týraly óziniń Twitter paraqshasynda belgili reseılik boks kommentatory jáne tilshi Grıgorıı Stangrıt málimdedi.
Aıta ketken jón, sońǵy salmaq ólsheý rásiminde Golovkın Brýktan jeńilirek bolyp shyqty. Qazaqstandyq boksshynyń salmaǵy 158,9 fýnt (72 keli 158 gramm), al brıtandyq boksshy 159,4 fýnt (72 keli 302 gramm) tartty. Osylaısha, eki boksshy da 160 fýntqa deıingi orta salmaq lımıtine jatady, dep habarlaıdy 24.kz.
