Golovkın bolmaǵanda boksqa qaıtyp kelmeıtin edim - Pakıao

ASTANA. QazAqparat - Álemge «Pakmen» laqap atymen tanymal fılıppındyq bokshsy Mennı Pakıao boksqa qaıtyp kelýdiń sebebin aıtty. Onyń sózine qaraǵanda, bul sheshimge jerlesimiz Gennadıı Golovkınniń sońǵy jekpe-jegi túrtki boldy, dep xabarlaıdy QazAqparat tilshisi.

«Negizi, men boksta bolyp jatqan basqa bir jekpe-jekterdi kóp kóre bermeımin. Osy joly sol ustanymymdy ózgertip, GGG men Brýk arasyndaǵy jekpe-jekti kórip shyqtym. Sol kezde ishteı qamyǵyp, bir túrli jalǵyzdyq sezimi paıda boldy. Men bilemin, qazirdiń ózinde jyldamdyǵym jaqsy, soqqym da jaman emes. Boksqa qaıtyp kelýge nıet te bar. Osydan keıin «Judyryqtasýdy nege jalǵastyrmasqa?» dep óz-ózime suraq qoıdym», - dedi M.Pakıao DailyMail gazetine bergen suxbatynda.

Onyń sózine qaraǵanda, Golovkın-Brýk jekpe-jegin kórgende ekiudaı sezimde boldy. «Ol jekpe-jek meni túrtip jibergendeı boldy. Dál sol kezde men boksqa qaıtyp kelýge sheshim qabyldadym», - deıdi Pakmen.