Golovkın bıyl taǵy úsh jekpe-jek ótkizedi
ASTANA. QazAqparat - Qazaqstandyq boksshy Gennadıı Golovkın 2014 jyly taǵy úsh jekpe-jek ótkizedi, dep habarlady Vesti.kz.
Bul týraly onyń promoýteri Tom Leffler málimdedi, onyń sózin VKontakte áleýmettik jelisinde GGG toby keltirgen.
Taıaýdaǵy jekpe-jek 26 sáýirde ótpek, al taǵy eki jekpe-jek jazǵa jáne kúzdiń sońyna qaraı belgilengen. Alaıda qarsylastardyń aty-jónderi aıtylmaǵan.
Buǵan qosarymyz, osy kezge deıin Golovkınniń 26 sáýirdegi qarsylasynyń esimi atalǵan joq.
Eske sala keteıik, qazirgi kezde Golovkın WBA/IBO nusqalary boıynsha orta salmaqtaǵy álem chempıony. 26 sáýirdegi kezdesý Nıý-Iorkte ótedi. Ol GGG úshin kásibı rıngtegi 30-shy kezdesý bolmaq. Qazaqstandyq osy kezge deıin birde-bir ret jeńilmesten keledi, sonyń ishinde 26 ret qarsylasyn nokaýtqa jiberdi.
