Golovkın beıbaq adamnyń tirligin jasap júr - «Kanelo»

ASTANA. QazAqparat - Eki salmaq sanatynda burynǵy álem chempıony Saýl Alvares Gennadıı Golovkınge qarsy ekinshi kezdesý qarsańynda týyndaǵan kezekti daýǵa qatysty pikir bildirdi, dep habarlaıdy Sports.kz.

Buryn «Kanelonyń» promoýteri Oskar de la Hoııa Golovkınniń komandasy jekpe-jek qarsańynda Meksıka, Qazaqstan jáne AQSh ánurandaryn oryndaýdan bas tartqanyn málimdegen bolatyn. Golovkınniń promoýteri Tom Leffler bul aqparatty joqqa shyǵaryp, HBO telearnasymen jasalǵan kelisim boıynsha, ánurandar PPV-kard jekpe-jekteriniń kórsetilimi bastalardan buryn oryndalatynyn túsindirgen.

Alvarestiń pikirinshe, osynyń kesirinen basty oqıǵa mańyzdy ári saltanatty bóliginen aıyrylady.

«Olar kez kelgen usaq-túıek úshin aqtala bastady. Bul joly quddy bir ánurandy oryndaýǵa kóp ýaqyt jumsalatyndaı, ulttyq ánurandarǵa qatysty shaǵym túsirip jatyr. Endi ánurandy jekpe-jektiń aldynda emes, kúndizgi tórt jarymda aıtýǵa týra keledi. Olardyń tarapynan tym kóp aqtalý, kinárat aıtylyp jatyr. Bul - tek beıbaq adamnyń tirligi. Olar qazirden-aq ózderin tize búkkendeı (utylǵandaı) sezinip jatyr», - deıdi meksıkalyq boksshy ESPN Deportes-ke bergen suhbatynda.