Golovkın belbeýlerimen fotosessııa jasady

ASTANA. QazAqparat - WBA Super, WBC, IBF jáne IBO tujyrymdary boıynsha orta salmaqtaǵy álem chempıony Gennadıı Golovkın (38-0-1, 34 KO) Santa-Monıkadaǵy (AQSh, Kalıfornııa shtaty) Wild Card West boks klýbynda ótken fotosessııaǵa qatysty, dep habarlaıdy Sports.kz GGG-diń VKontaktedegi resmı tobyna silteme jasap. 

Qazaqstandyq boksshy óziniń barlyq belbeýlerimen sýretke tústi.

Eske salaıyq, 5 mamyrda Golovkın chempıondyq tıtýldaryn jıyrmasynshy ret qorǵap, olardyń sany boıynsha aty ańyzǵa aınalǵan Bernard Hopkınspen teń tústi. Gennadıı osy kórsetkishke qol jetkizý úshin amerıkalyqqa qaraǵanda, eki jyl az ýaqyt jumsaǵan: GGG 2010-2018 jyldary tıtýldyq qorǵaý ótkizdi, Hopkıns - 1995-ten 2005 jylǵa deıin.

Golovkın óziniń sońǵy aıqasynda amerıkalyq Vanes Martırosıandy (36-4-1, 21 KO) ekinshi raýnda nokaýtqa jiberdi. Bul Gennadııdiń kásibı mansabyndaǵy 34-shi ýaqytynan buryn aıaqtalǵan jeńisi boldy.