Golovkın bas tartqan chempıondyq beldikterdiń jańa ıeleri anyqtaldy

ASTANA. QazAqparat – Qazaqstandyq boksshy Gennadıı Golovkın (42-2-1, 37 KO) naýryz aıynda WBA Super, IBF jáne IBO nusqasy boıynsha orta salmaqtaǵy álem chempıony beldikterinen bas tartqan bolatyn. Endi tıtýldardyń jańa ıeleri anyqtaldy, dep habarlaıdy QazAqparat Sports.kz-ke silteme jasap.

Golovkın WBA Super ataǵynan bas tartqannan keıin kýbalyq boksshy Erıslandı Lara (29-3-3, 17 KO) tolyqqandy chempıon atandy. Ol buǵan deıin «ýaqytsha» chempıon bolǵan edi.

Búgin taǵy eki beldiktiń ıeleri anyqtaldy: IBF nusqasymen 160 fýntta jańa chempıon ataǵyna brazılııalyq Eskıva Falkaony (30-1, 20 KO) kútpegen jerden jeńip ketken nemis boksshysy Vınchentso Gýaltıerı (21-0-1, 7 KO) ıe boldy. IBO tıtýlyna keletin bolsaq, ony Chılı boksshysy Hýlıo Alamosty (16-1, 9 KO) jeńgen ıtalııalyq Etınos Olıha (18-0, 8 KO) ıelendi.

Esterińizge sala keteıik, orta salmaqta álem chempıony tıtýlyna, sondaı-aq qazaqstandyq boksshy Jánibek Álimhanuly (14-0, 9 KO, WBO beldigi) jáne amerıkalyq Djermall Charlo (32-0, 22 KO, WBC beldigi) ıe.