Golovkın bapkeri: ákesiniń qazasynan keıin Gennadıı qatty ózgerdi
ASTANA. QazAqparat - Gennadıı Golovkın ákesi ómirden ozǵannan keıin jattyǵý alańyna múldem ózge adam bolyp oraldy, deıdi sportshynyń bapkeri Abel Sanches. Bul týraly «boxingnews.kz» saıty jazdy.
«Menińshe, ol ózgerdi. Ótken jyldyń basyndaǵy oqıǵa oǵan psıhologııalyq turǵyda qatty áser etti. Ákesi ómirden ozǵannan keıin daıyndyq alańynda múldem basqa Golovkındi kórdim. Osy oraıda men jaýapkershiligin rıngte ǵana emes, basqa ýaqytta da kórip, onyń eseıe túskeniń baıqadym», - dedi bapker Los-Andjelestege baspasóz máslıhaty barysynda. «Qazirgi kezde ol - otaǵasy. Menińshe, onyń ómirdegi baǵdary men maqsaty dramalyq ózgeristerge ushyrady»,-dep túıdi Sanches. Eske sala keteıik, álem chempıony Gennadıı Golovkınniń ákesi 2014 jyldyń 18 aqpanynda 69 jasynda dúnıe saldy. Budan buryn habarlanǵandaı, Golovkın 21 aqpan kúni Monakoda soqqysy aýyr Martın Mıýrreımen sharshy alańǵa shyǵady. Qazirgi kezde Gennadıı Abel Sanchestiń basshylyǵymen «BigBear» bazasynda jattyǵyp jatyr.
