Golovkın balalarǵa 5 myń eýro aýdardy
ASTANA. 18 qarasha. QazAqparat - Senbi kúni Lıýdvıgsbýrgte ótken qaıyrymdylyq keshinde WBA jáne IBO nusqalary boıynsha orta salmaqtaǵy álem chempıony Gennadıı Golovkın qaıyrymdylyqqa 5 myń eýro kóleminde qarajat aýdardy, dep habarlaıdy Sports.kz.
Ýdo Lındenberg, Regına Halmıh, Ralf Meller jáne Golovkınniń menedjeri Oleg Germann sekildi tanymal sportshylar asa aýyr salmaqta burynǵy Eýropa chempıony Lýan Krasnıchı men taı boksy boıynsha qurlyqtyń burynǵy chempıony Ýve Hıýk arasyndaǵy jekpe-jekti tamashalady.
Túsken qarajattyń jartysy SOS-balalar derevnıasyn qoldaý úshin uıymdastyrylǵan Hıýk qoryna tapsyrylady. Atalmysh balalr derevnıasyna Golovkın de belsendi qol ushyn berip júrgenin atap óteıik. Qazaqstan boksshysy is-sharaǵa jubaıymen, menedjeri Maks Germann, sondaı-aq, dosy jáne qaýipsizdik qyzmetiniń bastyǵy Roland Sımoneshımen birge qatysty.
Tóreshilerdiń sheshimimen atalǵan qaıyrymdylyq jekpe-jeginde Krasnıchı Hıýktan basym tústi.
