Golovkın: Bala kezde kóshede myqtylyǵyńdy dáleldeý kerek boldy
ASTANA. QazAqparat - WBA jáne IBO chempıony Gennadıı Golovkın (31-0, 28 KO) brıtandyq boksshy Martın Mıýrreıge (29-1-1, 12 KO) qarsy jekpe-jek qarsańynda óz qarsylasyn qıyn opponent retinde sanaıtyndyǵyn aıtty. Biraq buǵan ózi ósip-ósken qalada bala kezden úırenisip ketkenin de jasyrmady.
Eske salaıyq, Golovkın men Mıýrreı jekpe-jegi 21 aqpanda Monte-Karloda ótpek. Birer kúnder buryn olar resmı salmaq ólsheý rásiminen ótti.
«Qaraǵandy - óte qaýipti qala. Men óz dostarymmen stadıonǵa baryp, onda tóbelesetinmin. Eger qalanyń ózge aýdanynda júrseń, taǵy da tóbeles bolatyn. 16-17 jyl buryn men ósken qalada óte qaýipti edi. Kóshede eń myqty ekenińdi dáleldeý kerek bolatyn. Bul meniń balalyq shaǵym edi, jasym nebári 12-13-14-te. Bul meniń qalypty ómirim bolatyn. Bul sonshalyqty keremet dep aıta almaımyn. Qıyndaý bolatyn, óte qaýipti», - dep atap ótti boksshy BoxingScene saıtyna bergen jaýabynda.
