Golovkın aıyrylǵan tıtýlǵa kimder talasady

ASTANA. QazAqparat - Halyqaralyq boks federatsııasy (IBF) qazaqstandyq Gennadıı Golovkınnen (38-0-1, 34 KO) alyp qoıǵan beldik úshin aıqastyń uıymdastyrylýyna qatysty málimetter belgili boldy, dep jazady  Sports.kz.

IBF qaýlysyna sáıkes, bos turǵan tıtýlǵa ýkraındyq Sergeı Derevıanchenko (12-0, 10 KO) men uıym reıtınginde 3-orynda turǵan, amerıkalyq eks-chempıon Denıel Djeıkobs (34-2, 29 KO) talasady.

Derevıanchenko men Djeıkobs bir-birin jaqsy tanıdy, boksshylardyń bapkeri (Andre Roze) de, menedjeri (Kıt Konnollı) de bir.

Konnollı BoxingTalk-qa bergen suhbatynda aıqastyń bolatynyn rastady: «Bul ońaı jaǵdaı emes. Boksshylar bir-birimen judyryqtaspaýdy jón sanaıdy, men de jekpe-jektiń bolmaǵanyn qalap edim. Biraq, chempıondyq tıtýl sarapqa salynady. Sondyqtan, aıqas bolady», - dedi ol.

Konnollıdiń aıtýynsha, rıngte Djeıkobspen Roze jumys istese, Derevıanchenkoǵa keńesterin ekinshi bapker Gerı Stark berip turady.

Eger taraptar 11 shildege deıin ózara kelise almasa, promoýterlik saýda belgilenedi. Onyń jeńimpazy aıqasty uıymdastyrý quqyǵyna ıe bolady. Búginde Djekobstyń promoýteri Eddı Hern (Matchroom USA) bolyp tabylady, al Derevıanchenko Lý Dıbellamen (DiBella Entertainment) jumys isteýde.

Eske salaıyq, Djeıkobs meksıkalyq Saýl Alvarespen (49-1-2, 34 KO) jekpe-jekke yqtımal úmitkerlerdiń biri bolǵan edi. Biraq «Kanelo»  Golovkınmen revansh ótkizýdi jón kórdi.